LA UNION – Natay ti maysa a grade 8 student idiay ili ti Balaoan, La Union kalpasan a nag-suicide.
Maibasar iti impormasion manipud itiBalaoan Police Station, nasarakan laengen ti lolana ti bangkay ti 17-anyos a barito a nakabitin iti bobida ti siledna babaen ti tali.
Sakbay daytoy, naamuan a nagapa ti barito ken ti nobiana a nagbanag iti panagwinnaswas dagitoy ken nangdegdeg metten kenkuana tapno kettelen ti bukodna a biag.
Kabayatanna, idiay ili ti Bacnotan, pimmusay ti maysa a 21-anyos a baro kalpasan a nagbekkel babaen met ti sinturon.
Iti imbestigasion ti pulisia, naamuan a naginom ti biktima ken ti adingna idi kellaat a kinaritna ti kabsatna nga agdinnanog ngem saan a tinutopan ti naud-udi.
Kabigatanna ket nasangpetan laengen ti kabsatna ti bangkay ti manong daytoy a nakabitin iti kusina ti balayda.
Agtultuloy ita nga im-imbestigaran ti Balaoan ken Bacnotan police station dagiti dua nga insidente. (PLAD)
