LA UNION – Arestado iti maysa a mekaniko ken maibilbilang High Value Individual (HVI) iti inganwat a buy bust operation ti Bauang Police Station idi rabii ti Biyernes, Abril 22, idiay Barangay Bawanta ti nasao nga ili.
Iti suspek ket nabigbig iti nagan a Jeric Visquera, 25-anyos, residente ti nasao a lugar, ken makunkuna a miyembro ti Alamangco Drug Group.
Nakumpiskar kenkuana iti maysa a heat sealed transparent plastic sachet, a naglaun iti white crystaline substance a maatap a shabu, agdagsen ti 0.2 gram a mapatta-patta nga agbalor ti 1,360 pesos.
Iti pannakiuman ti Bombo Radyo La Union kenni Police Major Cresencio Abila, Acting Chief-of-POlice ti Bauang PNP, kinuna na a maibilang nga HVI iti suspek, agsipudta miyembro iti ALamangco Drug Group, a nagtaud ditoy siyudad ti San Fernando.
Kinuna ni Abila, a non-bailable iti kaso ti suspek kalpasan a naaktuan a lak-lakuan na ti droga iti nagpammarang a police posuer buyer.
Ni Visquera ket nakatuding a maidatagan ti kaso a panaglabsing iti RA 9165 wenno Comprehensive Dangerous Drugs Act of 2002.
