Inakusaran ti sigud nga U.S. Secretary of State a ni Hillary Clinton ni President Donald Trump ti maipagarup a panangakkup dagiti dokumento a mainaig iti kaso ti pimmusay a sex offender a ni Jeffrey Epstein.
Kenunana a nabayag iti proseso ti panangipaay dagiti files ket rumbeng a mairuar a dagus dagitoy.
Maipalagip nga idi napalabas a bulan, inruar ti U.S. Department of Justice ti nasurok a tallo million a dokumento, retrato, ken video a mainaig iti imbestigasion kenni Epstein, a napaneknekan a maipagarup a nagpakamatay idi 2019 kabayatan ti pannakaibaludna.
Nupay masansan nga agparang kadagiti Epstein files ni sigud Presidente Bill Clinton, awan ti ebidensia a mangisilpo kadagiti assawada iti aniaman a kriminal nga aktibidad.
Nabilin ti agassawa a mangted ti closed-door deposition iti U.S. House Oversight Committee, a mangim-imbestiga kadagiti koneksion ni Epstein kadagiti nabileg a tattao.
Kenuna ni Hillary Clinton a sumungbatda laeng no maisapubliko dagiti nasao nga Epstein files.
Segun kenkuana, awan ti sekreto nga mailemlemmeng ken nabayagen a kidkiddawenda ti naan-anay a pannakairuar daytoy.
Impaganetget na pay nga iti imbestigasion ket ar-aramaten dagiti sumagmamano a Republicans tapno ibaw-ing iti atension manipud kenni Trump, a kadawyan a madakdakamat kadagiti dokumento.
Immunan a pinaglibakan ni Trump iti aniaman a pannakairamanna ken kenuna nga isuna ket “totally exonerated.”
Kabayatanna, nakatuding iti deposision ni Hillary Clinton inton Pebrero 26, 2026.###
