LA UNION – Nagdesisyon ti House committee on good government and public accountability nga i-postpone iti Nov. 29 hearing dagitoy tapno ipaayan dalan iti panang-summon ti National Bureau of Investigation (NBI) kenni Vice President Sara Duterte, para iti imbestigasyon iti maigarop a grave threat ken posible a panaglabsing iti Anti-Terrorism Act kasaruno iti waragawag ti bise presidente a nu patayen da daytoy ket addan ti binilinna a mangpatay kenni President Ferdinand Marcos Jr. , First Lady Liza Marcos, ken kasinsinna a ni House Speaker Martin Romualdez .
Iti komite nga idaulwan ni Manila Rep. Joel Chua ti mangim-imbestigar iti confidential funds ti Office of the Vice President (OVP).
Iti press briefing idi kalman, Huwebes, Nobyembre 27, impaganetget ni Committee Chairman Joel Chua, a nagdesisyon dagiti panel members nga i-reschedule iti panagdengngeg ti komite seknan iti kuwestyonable a panangusar ti Office of the Vice President iti confidential funds, tapno makasango ni VP Sara iti National Bureau of Investigation (NBI) ken maliklikan nga isuda ti makagapo, iti saan a panagtulnog iti naiserbi a subpoena.
Pimmabor iti nasao a press briefing da Zambales Representatives Jay Khonghun ken La Union Rep. Paolo Ortega V, a segun kadakuada, nasay-sayaat a saan nga ituloy ti panagdengngeg, tapno makapag-palawag ni VP Sara iti NBI.
