LA UNION – Rinaem ni House Speaker Ferdinand Martin Romualdez ni President Ferdinand Marcos Jr., a naaramid na a mapa-awid ditoy Pilipinas iti Pinay drug mule convict a ni Mary Jane Veloso, a karaman iti death row idiay Indonesia.
Daytoy ket kalpasan nga in-yanunsiyo ni Pres. Marcos a makaawiden ditoy Pilipinas ni Veloso kalpasan ti 14 a tawen a pannakaibalud.
Nakaragsakan met unay daytoy iti pamilya Veloso idiay Nueva Ecija.
Kinuna ni Romualdez a ti inaramid ti Presidente ket pammaneknek nga ipapaayanna ti prayoridad ken pagimbagan dagiti Filipino nangruna dagiti OFWs.
Innayon pay ni Speaker Romualdez, a ti panagsubli ditoy Pilipinas ni Veloso ket maibilang a triumph of hope, diplomacy, and justice.
Nagyaman met ni Speaker Romualdez kenni Indonesian President Prabowo Subianto iti nagbalin a pangngeddeng daytoy.
Siniguro ni Romualdez nga itultuloy na ti maki-koordinar iti naduma-duma a government agencies a mangbukel iti polisiya tapno protektaran dagiti OFWs ken pamilya dagitoy.
