Pinagkedkedan ti International Criminal Court (ICC) iti panaggandat ti kampo ni sigud a Presidente Rodrigo Duterte a kontraen iti pannakadutok dagiti abogado para kadagiti biktima ti drug war.
Iti 15-panid a desision a nairuar idi kalman, Enero 26, kenuna ti ICC pre-trial chamber a kaaduan kadagiti biktima nga aplikante ket tarigagay a mairepresentar babaen kadagiti ICC-accredited nga abogado nga isude Atty. Joel Butuyan ken Gilbert Andres wenno ti Office of Public Counsel for Victims (OPCV).
Agpada a pasado ni Butuyan ken Andres a madutokan kas legal representatives dagiti biktima.
Ngem maibasar iti kampo ti sigud a presidente, dagiti nadakamat nga abogado ket nangiyebkasen ti pungtotda kenni Duterte, a mangpatpataud ti rurod online ken judicial trolling.
Inlawlawag ti Pre-Trial Chamber 1 nga iti public opinions dagiti abogado ket saan a makaapektar kadagiti professional duties ken abilidadda a mangibagi kadagiti biktima.
Inlaksidda pay iti kiddaw ti OPCV a maluktan manen iti application procress para iti pannakipaset dagiti biktima gapu ta pabayagen daytoy iti pannakadengngeg ti kaso.###
