Intuding ti Trial Chamber III ti International Criminal Court (ICC) ti umuna nga status conference iti kaso ni sigud a Presidente Rodrigo Duterte inton Mayo 27, kas paset ti proseso iti panagdengngeg.
Binilin ti ICC ti agpada a prosekusyon ken depensa a mangisubmitir kadagiti dokumento ken ebidensiya da sakbay ti Mayo 15.
Pakairamanan ditan dagiti trial briefs, disclosure of materials, ken dadduma pay a napapateg a detalye iti kaso.
Tarigagay ti status conference nga ituding ti schedule of trial ken dakamaten dagiti sumaganad a proseso ti kaso.
Immunan a pinasingkedan ti Pre-Trial Chamber I dagiti tallo a bilang ti crimes against humanity kontra kenni Duterte, isu a nakaabante’n ti kaso iti trial phase.
Iti met agdama nga addang ket pormalen nga inrugi ti ICC ti panagsagana para ti mismo a panagdengngeg bayat nga agtaltalinaed sadiay The Hague, Netherlands ni Duterte manipud pay idi Marso 2025.
