Inruaren ti International Criminal Court (ICC) Office of the Prosecutor dagiti detalye ti kaso kontra kenni sigud a Presidente Rodrigo Duterte a naglaon kadagiti krimen a maaramat ti Pre-Trial Chamber.
Mausar kas pagbasaran ti Document Containing of the Charges para ti confirmation of charges hearing. Maibasar iti daitoy a dokumento, pormalen a pinilaan dagiti ICC prosecutors ni Duterte kadagiti sumaganad a kaso:
- Murder kas crime against humanity idiay Davao City idi isuna paylaeng ti Mayor kadagiti tawen manipud 2013 agingga 2016.
- Murder kas crime against humanity kontra kadagiti “high value targets” ti nagduduma a paset ti Pilipinas idi isuna ti Presidente manipud 2016 agingga 2017.
- Murder ken attempted murder kas crimes against humanity kadagiti barangay clearance operations ti nagduduma a paset ti Pilipinas idi isuna paylaeng ti Presidente manipud kadagiti tawen 2016 agingga 2018.
Inlanad dagiti prosecutors ti aganay 49 nga insidente a mangsuporta ti kaso. Buklen daitoy kadagiti 78 a biktima, 19 a biktima para ti Count 1; 14 a biktima para ti Count 2, ken 45 a biktima ti Count 3.
Segun iti dokumento, ni Duterte iti adda ti likudan dagiti nasao a kaso gapo iti panangitukon ti pondo ken panangdutok kadagiti indibidwal a mangtungpal ti ‘war on drugs.’
Kagiddan daitoy ket inruar metten dagiti prosecutor ti “Pre-Confirmation Brief” a mangipapaay ti detalyado a palawag iti prosekusyon kadagiti ebidensya ken argumento a mangsupsuporta kadagiti kaso kontra kenni Duterte.
Naitukon ita nga aldaw ti Martes, Setyembre 23 iti confirmation of charges hearing ti sigud a Presidente ngem natantan laeng gapo ti kasasaad ti salun-at na. Segun iti kampo ni Duterte, arig na makapadpadas daitoy ti panagkabaw ken masansan a saan na a malaglagip dagiti mapaspasamak ti aglawlaw na.
