LA UNION – Nangrugin iti imbestigasyon ti Bangko Sentral ng Pilipinas (BSP) seknan iti alegasyon dagiti ‘ghost employees’ iti Monetary Board.
Kinunpirma ni Bangko Sentral ng Pilipinas Governor Eli M. Remolona Jr. nga adda iti uppat nga empleyado ken dua a supervisors iti maim-imbestigaran iti nasao nga isyu.
Dagiti makunkuna a ‘ghost employees’ ket boluntaryo a naglosolos iti puwesto idi bulan ti Marso.
Siniguro ti Bangko Sentral nga ibabawi da iti inawat a suweldo dagiti ghost employees.
Sipud idi bulan ti Oktubre napalabas a tawen, im-imbestigaranen ti Office of the General Counsel iti sumagmamano nga staff iti opisina ti dua a Monetary Board members a maipagarop nga umaw-awat ti suweldo ngem saan a sumsumrek dagitoy iti opisina.
Siniguro ti BSP a saan nga apektado ti trabaho iti opisina da laksid iti nasao a kontrobersiya.
