Papaimbestigaran ni Surigao del Sur Representative Johnny Pimentel iti House committee on public order and safety dagiti Immigration records dagiti tallo a gangganaet a karaman ti panagkidnap ken pammapatay iti negosyante a ni Anson Que ken ti driver na a ni Armanie Pabillo.
Agtalek ni Pimentel nga adu a gangganaet ti karaman kadagiti nagduduma a criminal activities ti adda ditoy Pilipinas iti kangitingitan ti ‘pastillas scam’ ken mabalin a makita da daitoy iti Immigration records.
Impalagip ni Pimentel ti naibutaktak idi a “pastillas scam” idiay Ninoy Aquino International Airport (NAIA) nu sadino ket inkabil idi dagiti gangganaet a pangbalkot ti pastilyas dagiti suhol da kadagiti personnel ken opisyales ti Immigration nu kasta ket makastrek da a nawaya ditoy pagilian.
Para kenni Pimentel, nalawag nga ipakpakita ti pastillas scam nu kasatno a kakaro ti korapsyon a wagas ti ilegal a panagserrek dagiti gangganaet ditoy pagilian a pangta ti national security ken lapped ti nainget nga Immigration enforcement.
