Pinasingkedan ti Philippine National Police (PNP) a nangukelen ti Anti-kidnapping Group (AKG) unit da ti motion to amend the complaint mainaig ti pannakairaman ni Alvin Que iti kidnapping ken pammapatay ti ama na a ni Anson Que ken ti private driver na a ni Armanie Pabillo.
Segun kenni PNP Chief Police General Rommel Francisco Marbil, awan ti umdas nga ebidensya a makapagdiin kenni Alvin Que nga adda pakainaiganna ti pammapatay ti bukod na nga ama.
Kinunana a saan a nagbalin nga umdas ti pammabasol ni David Tan Liao kenni Alvin, agsipud ta awan met ti maipakita na nga ebidensya a nakapagpatang ti dua sakbay iti krimen.
Saan pay a maibilang kas ‘gospel truth’ dagiti rebelasyon ni Liao agsipud ta naipasidong pay nga umuna dagitoy iti berepikasyon nu dagitoy ket pudno wenno aramid laeng.
Inlawlawag ni Marbil nga isu a nairaman ni Alvin Que kadagiti respondents ti kaso ket gapo ti waragawag ni Liao.
Maipalagip nga immunan a kinuna ni PRO III Director ken PNP Spokesperson Police Brigadier General Jean Fajardo a mabalin a maysa nga diversionary tactics laeng daitoy ti suspek tapno allilawen ti imbestigasyon.
Ksaruno daitoy ket panggep pay ni Marbil nga agbalin a kumpirmado nga umuna dagiti waragawag ken ebidenmsya sakbay nga ibilang kas ‘cleared’ ni Alvin manipud kadagiti akusasyon a nagtaud iti extra judicial confessions ni Liao.
Karaman ditoy ti panagkasapulan ti umdas nga ebidenysa a mangsuporta tapno madiin ni Alvin kas maysa a respondent ti kaso.
Kabayatanna, pinasingkedan metten ti PNP a nabigbig dan dagiti maibilang kas ‘masterminds’ iti kidnapping case ni Anson Que.
Nu ketdi, maikonkonsidera itan ni Liao kadagiti masterminds gapo iti insidentel; karaman ditoyen ti agdama a mabirbiruk ken addaan ti patong ti ulo a P5-M a ni Kelly Tan Lim, kasta met ti maysa pay a saanen a nanaganan a suspek.
