Agtalek ni Nanette Castillo, ina ti maysa kadagiti maipagarup a biktima ti extrajudicial killings (EJK), nga agsungbat ni sigud a Presidente Rodrigo Roa Duterte iti sangsanguen na a Crimes against Humanity.
Iti nagbalin a pannakiuman ti Bombo Radyo, impeksa ni Castillo iti dakkel a namnama ti pamilyana a kumpirmaren ti ICC Pre-Trial Chamber iti kaso ni Duterte tapno naan-anay daytoy nga agtinnag iti maysa a full trial ken mapasungbat iti sigud a presidente.
Inawagan met ni Castillo a puro kalokwan iti nagbalin a waragawag ti defense lawyer ni Duterte a ni Atty. Nicholas Kaufmann, ken arigna nagbalin met daytoyen a DDS gapu ta bunsek iti kinapudno ken ipilpilitna a pagparangen a maysa a bannuar ni Duterte.
Maipalagip a pinatay ti saan pay a nabigbig a suspek iti anakna a ni Aldrin idi Oktubre 3, 2017 idiay ciudad ti Manila.
Ti nasao nga insidente ket nailista iti kangitingitan ti nadara a war on drugs ti napalabas nga administrasion.
Kagiddan iti panagdur-as ti imbestigasion iti ICC, nagkiddaw ti kararag iti pamilya Castillo manipud iti publiko para iti pananggun-od ti hustisya.###
