Inwaragawag ti Philippine Statistics Authority (PSA) a bimmuntog iti inflation rate ti pagilian iti 6.8% idi Mayo 2026, manipud 7.2% idi Abril 2026.
Segun iti report, iti panagbaba ket gapu ti nabunbuntog a panagngato ti presyo ti taraon, kangrunaan ti bagas, nateng, ken karne, karaman ti nababa a singir iti kuryente ken dadduma pay a serbisyo.
Nupay agtaltalinaed a nangato maiyarig iti target range ti Bangko Sentral ng Pilipinas (BSP) a 2% agingga 4%, ibilang dagiti ekonomista a positibo a pagilasinan iti in-inut a panagbuntog ti inflation.
Iti datos ti ahensia, bimmaba ti food inflation iti 8.5% manipud 9.1% idi Abril, bayat nga iti non-food items kas iti transportasion ken housing utilities ket nangipakita met ti nabunbuntog a panagngato.
Kenuna ti BSP nga agtultuloy a banbantayan da dagiti rason, kas iti presio ti langis iti sangalubongan a merkado ken epekto ti El Niño iti suplay ti taraon.
Manamnama met nga iti nasaysayaat a supply chain ken importasion ti bagas ket makatulong tapno mapagtalinaed iti panagbaba ti presio kadagiti sumaruno a bulan.
Ti panagbaba ti inflation ket makitkita a mangipaay gin-awa kadagiti konsumer, kangrunaan kadagiti pamilya a nababa ti matmatgedan da – a direkta a naapektaran ti panagngato ti presio dagiti kangrunaan a magagatang.
Nupay kasta, agtaltalinaed a karit iti gobierno iti panangpatalinaed ti nasao a trend tapno naan-anay nga agsubli iti nababa a lebel iti inflation iti panagleppas ti tawen.###
