BR LA UNION – Ipapa-aresto ti International Criminal Court iti dua a nangato a lider ti Taliban.
Naiyetnag ti warrant of arrest kontra kada Haibatullah Akhundzada, supreme leader ti Taliban ken Abdul Hakim Haqqani, chief justice ti Taliban.
Dagiti nadakamat a personalidad ket naakusaran iti “ordering, inducing or soliciting the crime against humanity of persecution” kontra kadagiti babbai.
Segun iti ICC, dus-dusaen dagiti nasao a lider dagiti saan a sumursurot iti polisiya wenno linteg nga ipatpatungpal ti Taliban.
Sipud nakontrol ti Taliban iti Afghanistan idi August 2021, naiyemplementar dagiti oppressive measures wenno naranggas a linteg a nangipa-idam ti karbengan ken nangidadanes kadagiti babbai, nga uray ti boses da ket naipagel a mangngegan ti publiko.
Rinaut ken sinuspinde ti Taliban iti kakaisuna a women’s radio station idiay Afghanistan.
Maysa pay a saan a naingkalintegan nga inaramid ti Taliban ket iti panangipawil da kadagiti ubbing a babbai a saanen nga agadal kalpasan ti sixth grade.
Amin a babbai ket nasken nga agsuot ti belo a mangbalkot iti intero a bagi da agraman rupa nangruna nu rumwar dagitoy iti publiko ken napawilan da pay a maki-pinnerreng kadagiti lallaki a saan da a cabagyan.
