LA UNION -Pinaglibakan ti Iran iti alegasyon nga assassination plot kontra kenni sigud a US President Donald Trump.
Segun iti Permanent Mission of the Islamic Republic of Iran to the United Nations, awan ti basaran ken malisyoso iti nasao nga alegasyon.
Segun iti official state-run news agency ti Iran nga Islamic Republic News Agency, ikonkonsidera ti Iran ni Trump a maysa a kriminal a rumbeng a makaswan ken madusa iti korte gapu iti panangibilin na nga i-assassinate iti Iranian military General a ni Qasem Soleimani idi January 2020.
Ngem iti likudan daytoy, maipagarop a pinili ti Iran iti legal a wagas tapno magun-od ti hustisiya.
Nagramot ti naipadamag nga assassination plot ti Iran kontra kenni Trump kalpasan a makaawat ti intelligence iti US authorities manipud iti maysa a source iti naglabas a lawas.
Nanggubway daytoy iti panangpa-irut ti Secret Service ti seguridad para iti sigud a Presidente.
