Imbilin ti gobierno ti Israel ti mass evacuation iti makin-abagatan a Lebanon kalpasan a nadundunor ti Third United Nation Peacekeeper gapo iti air strike manipud Iran idi Sabado.
Segun iti Lebanon Health Ministry, mapattapatta a 15 nga indibidual ti pimmusay idinto a 37 ti nasugatan iti kaudian nga airstrike ti Iran iti tallo a nagduduma a siudad idiay Lebanon.
Maysa kadagiti puntiria ket ti siudad ti Dier Billa a saan pay a pulos a natamtamaan manipud idi nangrugi ti gubat iti nagbaetan ti dua a pagilian.
Iti inisyal a report ti Israeli military, nangiruar ti grupo ti Hezbollah iti nasurok a 320 projectiles pakairamanan ti suicide UAV a nangpuntiria iti central city ti Israel nga Herzliya.
Nailasin dagiti projectile a maipappaputok manipud Lebanon nga agturong iti Israel.
Kabayatanna, iti dayta met la nga aldaw, inwaragawag dagiti tropa ti Israel nga ibakwitdan ti dandani 23 nga umili kadagiti Southern Lebanese villages ken agturong nga umuna iti makin-amianan a bangir ti Awali River.
Naipakaammo daytoy a bilin babaen ti anunsio ti militar.
