BR LA UNION – Naminsan manen a sinentensiayan ti Sandiganbayan Special Third Division ni Janet Lim Napoles ti reclusion perpetua wenno agingga 80 a tawen a pannakaibalud.
Daytoy ket gapu iti kaso na a two counts of malversation of public funds nga adda pakainaigan na iti saan a naingkalintegan a pannakausar ti Priority Development Assistance Fund (PDAF).
Iti 165 a pinanid a desisyon ti Sandiganbayan, napaneknekan ni Napoles ken dadduma pay, a guilty iti malversation of public funds ti pimmusayen a ni Benguet Rep. Samuel Dangwa nga agbalor ti P19-milyon.
Nakailanad iti linteg a ti tao a mairam-raman iti malversation of public funds ket mabalin a mapatawan ti reclusion perpetua nu lumbes iti kantidad nga P8.8-M ti tinakaw.
Dagiti kaso ni Dangwa ken tallo pay ket naibasura kalpasan a natayen dagitoy, maibasar iti desisyon nga insurat ni Associate Justice Ronald Moreno, a nangidaulo iti Special Third Division ti Sandiganbayan.
