Nasurok-kumurang P100 billion iti maipagarop nga insertions iti 2025 General Appropriations Act.
Segun kenni Senate President Pro Tempore Ping Lacson, kaaduan a senador iti 19th Congress ket nangikabil dagiti insertions kas maibasar iti naisayangkat a panagamiris.
Kaaduan kadagiti individual insertions ket naka-for later release a nagbalin a rason ti kellaat a panakabigla iti pakabuklan a gatad.
Imbinglay na a saan pay isuna nakakita iti kastoy a kadakkel a total iti napalabas, ken inkumpara iti sitwasyon iti panawen sakbay a naideklara nga unconstitutional iti PDAF no sadino ginasut a million laeng iti kadawyan a mairamraman.
Dakkel iti nagbaliw ken rumbeng nga ikkan importansia iti transparency iti panangikabil dagiti item iti budget.
Nagpanawagan isuna ti nainget a panagamiris ken panagpalawag manipud kadagiti nangiserrek ti pondo tapno masigurado a saan a maaramat ken pumabor iti sumagmamano nga indibidual.
Agtultuloy met a banbantay ti Senado iti saritaan bayat a rumrumuar dagiti detalye ti 2025 GAA.
