Nakatuding a mangbukel ti Japan ken Estados Unidos iti joint military plan apaman kumaro ti tensyon diay Taiwan.
Segun iti Kyodo news agency, pakairamanan daitoy ti panangideply kadagiti missiles.
Manamnama a ti nadakamat a plano ket maipatungpal inton sumaruno a buwan.
Babaen daitoy, mangideploy ti Estados Unidos kadagiti missile units da idiay Nansei Islands iti southwestern portion ti Kagoshima ken Okinawa prefectures kasta met iti Pilipinas.
Iti maysa a waragawag, kinuna ti US Marine Corps’ Marine Littoral Regiment nga ideploy da iti High Mobility Artillery Rocket System ken dadduma pay nga armas sadiay Nansei Islands, Kyodo, Japan.
Kabayatanna, naplano met a ditoy Pilipinas a maipuwesto ti US unit nga adda pakainaiganna iti space, cyberspace, ken electromagnetic waves.
