Pinaglibakan ti Japan iti impatuload a surat ti China iti United Nations a mangibagbaga a maipagarup nga imballaag ti Tokyo ti military intervention mainaig iti isyu idiay Taiwan.
Segun ti Japan, iti akusasion ti Beijing ket awan ti basaran na iti kinapudno.
Ti nasao a waragawag ket sungbat ni Japanese UN Ambassador Kazuyuki Yamazaki iti surat nga impatulod ti Biernes ni Chinese Ambassador Fu Cong kenni UN Secretary-General Antonio Guterres.
Inakusaran ni Fu ni Japanese Prime Minister Sanae Takaichi a naglabsing iti international law kalpasan a nadakamat iti parliament meeting a mabalin a sumungbat babaen ti military iti Japan no rauten ti China iti Taiwam.
Iti sungbat na ket impaganetget ni Yamazaki nga iti polisiya ti Japan ket nakapamaysa laeng iti “passive defense,” ken biddut iti waragawag ti China nga agaramat ti self-defense iti Japan uray awan ti direkta a panagraut kontra kenkuada.
Aminado ti China a napalaos a nadadael iti trade cooperation gapo iti nagbalin a waragawag ni Takaichi, ken sumagmamano dagiti konsierto dagiti Japanese performers idiay China ket kellat met a nakanselar.
Kabayatanna, kenuna ni Takaichi a nakasarita na ni U.S. President Donald Trump babaen ti umuna nga awag kalpasan iti tension idiay China.
Segun kenni Takaichi, kenuna ni Trump a mabalin na a tawagan daytoy iti aniaman nga oras ken inlawlawag iti agdama nga estado ti US-China relations kalpasan iti panagsarita ni Trump ken Chinese President Xi Jinping.
Saan pay a nangipaay ti statement ni Trump maipaan iti susik ti Japan ken China.
Maipalagip nga immunan a tinakderan ti China a paset ti teritoryo da iti Taiwan ken saan da nga ipaigid iti panagusar ti puersa tapno magun-od da iti pagilian.#
