BR LA UNION – Nakisinnarak ni sigud nga Ilocos Sur Governor Chavit Singson kenni Hollywood action star Jean-Claude Van Damme para iti panangaramid ti maysa a baro a pelikula.
Segun kenni Singson, aramiden da ti pelikula ditoy Pilipinas a pakaitampokan ti Vigan City, maysa a United Nations Educational, Scientific, and Cultural Organization (UNESCO) World Heritage City.
Mismo a ni Van Damme iti agserbi a producer ti maaramid a pelikula ket namnamaen a makita ditoy iti sumagmamano a naisangsangayan nga action stunt, a nakabigbigan ti action star.
Iti agdama, awan pay ti nairwar a detalye seknan iti nasao a pelikula bayat a mabukbukel ti agbalin a cast ditoy.
Kabayatanna, iti panagtungtong da Singson ken Van Damme idiay Central Hong Kong, tinalantan dagiti dua iti agbalin a kolaborasyon iti aramiden da a pelikula.
Nabigbig ni Van Damme iti intero a lubong gapu kadagiti agkakapintas nga action film na kas iti ”Universal Soldier”, ”The Quest”, ”Double Impact”, ”Hard Target”, ken dadduma pay a pelikula a kaadwan ket nakasentro iti martial arts skills daytoy.
