BR LA UNION – Nangabak a gobernador idiay probinsya ti Abra ni Eustaquio ‘Takit’ Bersamin, iti kabsat ni sigud a Supreme Court Chief Justice ken agdama nga Executive Secretary Lucas Bersamin.
Dinomina ni Bersamin iti eleksiyon idiay Abra ket nakagun-od ti 130,512 votes bayat a ti kinalabanna a ni Kiko Bernos ket nakaala laeng ti nasurok 34,000 a botos.
Nangabak met kas vice governor iti kaanakan ni ES Bersamin a ni Anne Bersamin iti nasao a probinsya.
Nakagun-od ni Anne ti 127,534 votes bayat a 35,431 iti nagun-od ti kalaban na a ni Joy Bernos.
Dagiti dua a Bernos a nakalaban ti dua a Bersamin ket ag-ina ken sumagmamano metten a tawen a tumap-tapog da iti pulitika iti nasao a probinsya.
Iti probinsya ti Abra ket maysa kadagiti kangrunaan a binantayan ti Commission on Elections gapu kadagiti serye ti pammapatay a napasamak sakbay iti May 12 elections.
Sakbay iti eleksiyon idi Lunes, inaresto ti Armed Forces of the Philippines iti nasurok 30 a tattao nga armado ti high-powered firearms a maipagarop nga agpapada a supporter ken tao ti sumagmamano a kandidato iti lugar.
