BR LA UNION – Inaprubaran ti House Committee on Appropriations ita a rabii ti Martes, Setyembre 23, iti gakat a ₱6.793 trilyon national budget para iti tawen 2026, kalpasan ti 37 nga aldaw a deliberasyon ti komite.
Inawat ti komite dagiti amyenda nga inlungalong ti sub-committee idi Lunes, partikular ti ₱255 bilyon manipud iti orihinal nga alokasyon ti Department of Public Works and Highways (DPWH) para iti flood control projects, a naiyakar kadagiti programa ti Edukasyon, Health ken Social Services.
Segun kenni House Appropriations panel Chair ken Nueva Ecija Rep. Mikaela Angela Suansing, ita a tawen, naipatungpal iti nalawa a reporma iti proseso ti panangputar ti badyet tapno itandudo ti transparency ken maliklikan iti kontrobersyal nga “insertions” a napasamak idi napan a tawen.
Ti sigud, dagiti amyenda ket ipros-proseso ti maysa a saan a transparent nga “small committee” a buklen dagiti napili laeng a kongresista.
Maiturong dagiti na-realign a pondo iti sumaganad nga ahensiya:
- ₱26.5 bilyon nayun a budget ti Department of Education (DepEd):
- ₱22.5 bilyon para ti panagipatakder dagiti baro a silid-pagadalan
- ₱1.88 bilyon para iti school feeding programs
- ₱29.28 bilyon nayun a budget ti Department of Health (DOH):
- ₱26.73 bilyon para iti medical assistance dagiti nakurapay a pasyente
- ₱2.4 bilyon para iti panagpatakder dagiti pampubliko nga ospital
- ₱60 bilyon mailatang para iti PhilHealth kas subsidy ti gobyerno para iti health insurance ti publiko
- ₱35.91 bilyon nayun iti Department of Social Welfare and Development (DSWD):
- ₱32.06 bilyon para iti emergency cash aid dagiti nakurapay
- ₱3 bilyon para iti sustainable livelihood programs
- ₱39.36 bilyon nayun iti Department of Agriculture (DA):
- ₱8.89 bilyon para iti farm-to-market roads
- ₱8.69 bilyon para iti post-harvest facilities
- ₱7 bilyon para iti ₱7,000 cash aid kadagiti mannalon ken mangngalap
