Kiniddaw ti kampo ni sigud a Presidente Rodrigo Duterte iti International Criminal Court (ICC) Pre-Trial Chamber I a palubusan ti apela iti court ruling a mangibasbasura iti kiddaw ti indefinite adjourment ti pre-trial proceedings iti drug war case.
Ti 19-pinanid a dokumento nga addaan ti petsa a Pebrero 2, kiniddaw ti defense team ni Duterte a palubusan ti Pre-Trial Chamber a mangibasura iti kiddaw nga evidentiary hearing.
Idi Enero ket nakita ti chamber nga addaan ti umdas a kabaelan ti sigud a Presidente tapno dummar-ay iti pre-trial proceeding kontra kenkuana ken imbasura iti indefinite adjournment.
Nupay kasta ket impaganetget ti kampo ti sigud a Presidente a napaay ti Pre-Trial Chamber nga ammuen iti rason no apay ta nasalun-at ni Duterte tapno agturong iti panagdingeg.
Napaay met kunada ti Pre-Trial Chamber iti pangkonsidera ti impact iti abilidad ti sigud a presidente a dumar-ay iti panagdingeg.###
