Nakairecord ti Department of Health (DOH) iti pakabuklan a 655 fireworks-related injuries iti intero a pagilian sipud iti panagrugi ti monitoring idi Disiembre 21.
Iti nasao a bilang ket nababbaba ti 20% maiyarig ti 819 a kaso a nailista idi Enero 3, 2025.
Segun ti DOH, 54% wenno 351 a kaso ket buklen dagiti biktima nga agtawen ti 19 ken agpababa, bayat nga 11 manipud kadagiti 19 a naputdan ti paset ti bagi ket pasig met a menor de edad.
Kaadduan kadagiti kaso ket gapu kadagiti unknown firecrackers, sinaruno ti kwitis, ken 5-star.
Immunan nga impadamag ti ahensia a basbassit dagiti naipadamag a kaso, ngem nakarkaro iti nalak-am da a pannakadangran.###
