Target a marugyan iti konstruksyon ti expansion ti kaatiddogan a rangtay ti Pilipinas a San Juanico Bridge inton 2028.
Segun iti Department of Public Works and Highways (DPWH), asidegen a makumpleto iti feasibility study iti konstruksiyon ti maikadua a San Juanico Bridge a mangkonkonektar iti Samar ken Leyte.
Segun kenni DPWH Senior USec. Emil Sadain, idi Hulyo 25 ket naisayangkat iti wrap-up meeting kadua iti Japan International Cooperation Agency (JICA) a maysa a napateg nga addang nga agturong iti panagsapinal ti technical ken economic evaluations iti nasao a proyekto.
Iti maipasdek a rangtay ket kanayunan a crossing iti 2.16 kilometer San Juanico Bridge nga agdama a maipaspasidong iti rehabilitasyon gapo iti kinabayagen ti nasao nge imprastruktura.
Kabayatanna, manamnama a maisumite iti pinal a feasibility report ti JICA inton Setyembre, agdama a tawen.###
