Papaimbestigaran ni Santa Rosa, Laguna Representative Dan Fernandez iti Office of the Solicitor General iti kontrata a sinerrek ti Philippine Statistics Authority (PSA) iti maysa a private service provider nga aggatad iti P5 billion.
Seun kenni Fernandez, sangapulo a tawenen ti nadakamat a service provider a tagikua ti maysa a private company nga Unisys.
Kinunana a makabkabil iti alanganin ti tunggal profile dagiti Pilipino a dumalan iti Unisys.
Gapo iti daitoy ket kiddaw ni Fernandez kenni Solicitor General Menardo Guevarra a kitaen bassit ti nasao nga kontrata da iti PSA.
Inwaragawag ni Fernandez nga iti Unisys Corporation, basar iti report manipud iti Federal Bureau of Investigation ti Estados Unidos ket addan da iti kaso kadakuada.
Saanen nga indetalye ni Fernandez nu anya dagitoy a kaso ti Unisys.
Ti waragawag ni Fernandez ket kasaruno ti nagbalin a rebelasyon iti Quad Comm hearing nga adu a chinese nationals ti nakaala iti illegal birth certificates da babaen iti late registration policy a kas inaramid ni Alice Guo.
