Mangipatungpal ti Department of Trade and Industry (DTI) kadagiti proactive measures tapno sungbatan dagiti posible nga epekto ti universal tariffs ni US President Donald Trump a mabalin nga mangigubuay ti pangta para iti export sector ti Pilipinas.
Impaganetget ni DTI Secretary Cristina Roque nga ti Estados Unidos ket aysa kadagiti kangrunaan nga trading partner ti pagilian ken mabalin a apektaran ti taripa dagiti nadumaduma nga produkto nga mailako kadakuada.
Tapno masungbatan ket kinuna ti DTI a makitinnulong da ti personal iti administrasyon ni Trump a pagpanunotan dagiti solusyon a mamagbalin nga “mutually beneficial.”
Maysa kadagiti plano ket ti posibilidad dagiti preferential trade agreements ng agpada nga agnumar ti ekonomiya ti Pilipinas ken Estados Unidos.
Maibasar ti datos ti Philippine Statistics Authority (PSA), idi 2024 ket agaltalinaed ti Pilipinas kas kangrunaan nga exporter kadagiti produkto idiay Estados Unidos.
Dumanon ti $12.12 billion ti exports ti pagilian kas dagiti semiconductor devices, automobile parts, electric machinery, textiles and garments, ken processed food and beverages.
Maipalagip a kinuna ni Trump nga ipatungpal na ti 10% a taripa kadagiti amin a produkto a maangkat manipud sabali a pagilian nga agturong sadiay Estados Unidos.
Nabiit pay idi pinasingkedan ti White House ti 25% tariff kadagiti imports manipud Canada ken Mexico kas paset ti addan a lapdan dagiti migration ken drug smuggling.
Nupay kasta, dagitoy a taripa ket naitantan kalpasan a nagtulag dagiti lider ti tallo a pagilian iti tallopulo nga aldaw tapno irekonsidera ti plano.
