Napili ti Pilipinas kas host ti Longboard International Qualifying event a La Union International Pro.
Maangay daitoy inton Enero 20 agingga 24 idiay Urbiztondo Beach, idiay ili ti San Juan, ditoy probinsya ti La Union.
Manamnama a dar-ayan ti event dagiti interesado iti World Surf League (WSL) ken ti mangabak kadaitoy a pasalip ket otomatiko a makastreken iti 2026 WSL Longboard Tour.
Inladawan ni Philippine Sports Commission (PSC) Chairman Patrick “Patò” Gregorio ti La Union International Pro kas ‘real thrill’ a torneo ken pakabuyaan kadagiti kalalaingan a longboarders iti men’s ken womens’ category.
