Nagpalagip ti La Union Police Provincial Office (LUPPO) iti publiko maipanggep iti agtultuloy a panagadu dagiti kaso ti hotel booking scams, nangruna ita a panawen ti bakasion.
Segun ti LUPPO, masapul nga ag-book laeng kadagiti mapagtalkan wenno nalatak nga online booking platforms tapno maliklikan iti panakaallilaw. Napateg pay a direkta a beripikarin iti mismo nga hotel iti reserbasion tapno masiguro iti kinapudno ti transaksion.
Masapul met a basaen a nalaing dagiti reviews ken feedbacks ti sabali a guests wenno costumer sakbay nga agdesision.
Agusar laeng dagiti natalged ken mapagtalkan a wagas ti panagbayad tapno maliklikan ti pannakapukaw ti kwarta.
Mensahe ti LUPPO nga agbalin nga alisto ken naannad iti amin a transaksion tapno saan a mabiktima dagiti mananggundaway.### (Report by Bombo Jordan)
