LA UNION – Nakabaluden ken sumangsango iti kaso ngqa extortion ti maysa a lalaki kalpasan a nagpangta nga iwarasna ti silalamo a ladawan ti ex-girlfriend daytoy.
Ti suspek ket nabigbig a ni Cyril Barrameda, 21-anyos, residente ti Brgy. Ili Norte, San Juan, La Union.
Maibasar iti reklamo ti kabsat ti saanen a nainaganan a babai nga ita ket mangmangged idiay Jordan, inlanadna nga agkidkiddaw ni Barrameda iti P25,000 ken inkaso a saan a maited ti nasao a gatad, iwarasna iti Facebook dagiti nude photos ti sigud a kaayan-ayatna.
Ditoy metten a nagpaarayat kadagiti otoridad ti kabsat ti biktima a dagus a nangisayangkat iti entrapment operation a nagbanag iti pannakaarestar ti suspek.
