BR LA UNION – Inwaragawag ni U.S. President Donald Trump a mangipatungpal ti Estados Unidos ti naval blockade idiay Strait of Hormuz kasaruno ti napaay a peace talk iti baetan ti Iran ken sumagmamano a pagilian a naisayangkat idiay Islamabad, Pakistan.
Iti maysa a post iti Truth Social, imbaga ni Trump a dagus a rugyan ti U.S. Navy iti pananglapped amin a barko a sumrek ken rumwar iti nasao a pantalan ti langis.
Segun iti US Presidente, panggep na a lapdan ti Iran iti maipagarop a panagkolekta ti “illegal toll” manipud kadagiti barko.
“Effective immediately, the United States Navy, the Finest in the World, will begin the process of BLOCKADING any and all Ships trying to enter, or leave, the Strait of Hormuz,” saan ni Trump.
Innayon pay ni Trump, maipagarop a makipaset iti dadduma a pagilian iti nasao a blockade, ken saan nga ipalubos iti Iran a makaganar manipud iti sitwasyon bayat nga apektado iti sangalubongan nga ekonomiya.
Imballaag ni Trump, a matiliw wenno lapdan ti U.S. Navy ti amin a barko iti international waters a maipagarop nga agbayad ti “toll” iti Iran kasukat ti panag-dalan da idiay Strait of Hormuz.
“At some point, we will reach an ‘ALL BEING ALLOWED TO GO IN, ALL BEING ALLOWED TO GO OUT’ basis, but Iran has not allowed that to happen by merely saying, ‘There may be a mine out there somewhere,’ that nobody knows about but them,” he said. “THIS IS WORLD EXTORTION, and Leaders of Countries, especially the United States of America, will never be extorted,” pahayag pa ni Trump.
Iti Strait of Hormuz ket maysa kadagiti kapapatgan a pantalan ti langis ditoy lubong, a dumal-dalanan ti dakkel a paset ti sangalubongan a suplay ti petrolyo.
Gaputi dayta, mabalin a mangigubway ti mas nalawlawa nga epekto iti sangalubongan nga ekonomiya ti anyaman a blockade idiay Strait of Hormuz.
Iti agdama, awan pay ti opisyal a kumpirmasyon manipud National Defense ti Amerika.
