Nangipaulog iti National Bureau of Investigation (NBI) ti subpoena kenni CJ Hirro, maysa kadagiti anchor ti online media network a nairaman iti isyu ti extortion.
Pinasingkedan ni Director Atty. Melvin Matibag iti nasao a panangisyu, isu a rumbeng a sumango ni Hirro iti opisina ti ahensia inton Lunes, Mayo 11.
Immunan nga imbaga ti direktor nga ibilangda ni CJ Hirro kas ‘person of interest’ gapu iti pannakairamanna iti complaint affidavit.
Adda pakainaigan ti ‘subpoena’ iti pannakaaresto ti founder ti online media network a ni Franco Mabanta gapu iti maipagarup a panangkikil kenni sigud nga House Speaker Martin Romualdez.
Pinaglibakan da met daytoy bayat nga impaganetget ti departamento nga iti panagtignayda ket nakabasar iti nakalap nga ebidensia.###
