LA UNION – Nasapa nga inrugi dagiti mangimat-maton ti Lingsat Public Cemetery babaen ti Team Leader a ni Arnold Artates, administrative aide III, iti panagdalusan iti nasao a sementeryo.
Naamwan ti Bombo Radyo La Union, nga idi pay bulan ti Agosto a rinugyan da ti agdalus ken isimpa dagiti kasapolan iti uneg ti nasao a sementeryo.
Iti agdama, iti sangwanan laengen ti public cemetery ti mapin-pinturaan ken mabalin metten ti agturong tapno agdalus ken agpintor iti tanem dagiti minatay.
Maibasar iti datus nga imbingay ni Artates iti Bombo Radyo, iti Lingsat Public Cemetery ket addan ti 15, 261 a tanem sipud September 2024.
Iti tanem dagiti naitabon a minatay iti nasao a sementeryo ken na-klasipika.
Adda iti lugar para kadagiti nakagatang ti lote para-minatay, nailasin met ti tanem para iti individual, para ubbing, adda iti maaw-awagan a condo permanent, multi-layer condo, chinese lot, executive lot, PUI lot, ken dagiti kinali a tulang kadagiti tanem a saanen a masar-sarungkaran.
Iti panagdalusan ti tanem dagiti minatay ket agleppas inton Oktubre 30.
Kabayatanna, namnamaen a maipatungpal ti nairut a seguridad para iti obserbasyon ti todos los santos idiay Lingsat Public Cemetery inton Nobyembre uno, 2024.
