LA UNION – Saanen a nakadanon pay a sibibiag iti ospital ti maysa a lolo kalpasan a nadungpar ti tricycle idiay ili ti San Juan, La Union.
Ti biktima ket nabigbig a ni Guillermo Quiton, 71-anyos, residente iti Taboc, San Juan.
Immuna iti daytoy, magmagna iti igid ti national highway ti nasao a lolo idi kellaat a bimmallasiw ikti kabangibang a paset ti kalsada.
Nupay kasta, kellaat daytoy a nadungpar ti sumungsungad a tricycle a minaneho ni Jerry buccat, 38-anyos.
Gapu ta saan a napakadaan ti insidente ket naipurwak ti biktima kalpasan ti napigsa a pannakadungpar kenkuana ti tricycle.
Naitaray pay daytoy iti pagagasan ngem naideklara a pimmusay.
Iti agdama ket agtultuloy a maim-imbestigaran ti respondent driver.
