BR LA UNION – Agtultuloy ti monitoring ti PAGASA iti maysa a low pressure area a nabukel iti uneg ti Philippine Area of Responsibility (PAR).
Itay alas 3:00 ti parbangon, ti nasao nga LPA ket naudi a nasaripatpatan iti kaadayu a 1,140 km daya ti Southeastern Luzon.
Dup-dupagenna iti amianan-a-palaud a direksiyon.
Iti agdama, segun ti state weather bureau, bassit pay laeng ti tiyansa (low potential) a mabukel a bagyo, iti sumaganad a 24 nga oras.
Awan met ti direkta nga epekto ti LPA iti sadinuman a paset ti pagilian.
Kabayatanna, iti severe tropical storm Wipha (sigud a bagyo Crising) ket addan iti kaadayu a 1,160 kilometro laud ti Extreme Northern Luzon.
Kabuybuyog na ti angin a 95 kilometro kada oras asideg iti sentro ken kapegges a dumanon iti 130 kph.
Agturturong iti palaud a direksiyon iti kaadayu a 20kph.
Mainaig ti daytoy, iti bagyo Wipha (dating Crising) ket nangibati ti dackel a perdisyon idiay HongKong.
Naipangato pay ti ballaag ti bagyo iti Signal No. 10 (ti kangatuan a ballaag ti bagyo iti nasao a pagilian) gaputi direkta a panagduprak ti bagyo iti nasao a lugar.
