Imbasura ti Land Transportation Franchising and Regulatory Board (LTFRB) ti hirit para ti kanayunan a bilang dagiti motorcycle taxi idiay Metro Manila.
Kinuna ni LTFRB chairman Attorney Teofilo Guadiz a nu niapatungpal daitoy ket makissayanen ti mabirukan dagiti drivers ti public utility vehicle.
Umdasen kunana ti immuna a nagtulagan nga agingga 45-K laeng ti maximum motorcycle taxis iti National Capital Region. Impaganetget na ti mabalin a panag-irot ti trapiko nu manayunan pay dagiti agbiahe a motor taxis.
Apaman nga umado dagiti motorcycle taxis ditoy pagilian, ket arig na awan metlaengen ti serbi na ti itantandudo da a Public Transport Modernization Program (PTMP) agsipud ta awan ton kunana ti mamati kadakuada.
