LA UNION – Innallukoy ni Liga ng Transportasyon at Operators sa Pilipinas (LTOP) President Orlando Marquez iti umili a tumulong ken makipaset ti Public Transport Modernization Program ti Gobierno.
Iti pannaki-uman ti Bombo Radyo La Union kenkuana, adu dagiti mangayat ti modernisasyon a kas ti Rehiyon uno nga addaan ti 90%; Region 10 a 96%, Cotabato a 100%, Cebu a 92%, Iloilo a 90%, ken adda pay dagiti dadduma a rehiyon ken probinsiya.
Inbingay na pay iti napag-saritaanda ken ni Department of Transportation Secretary Jaime Bautista mainaig iti kinasagana ti Technical Education and Skills Development Authority (TESDA) a mangidiaya ti libre a panagadal kadagiti driver a naapektaran ti programa ken kayat na iti baro a pagbiagan.
Segun kenkuana, idi panawen ni dati a President Gloria Macapagal Arroyo, bimmisitada kadagiti naduma-duma a pagilian a kas kuma ti Singapore, Korea, Japan, Estados Unidos, Australia, ken Europa no sadino maibagana a naudin ti Pilipinas maipapan ti modernisasyon.
Kabayatanna, nagpanawagan isuna kadagiti lider a saan a sumursurot iti gagem ti gobierno a respetaren iti kayat dagiti umili.
Nakaituding met a mangisingasing iti grupoda ti Public Consumer Tax Bill, no sadino dagiti tax dagiti kasapulan ti maysa a lugan ket isu ti maaramat a pondo ti modernisasyon.
