Saanen a kasapulan pay a sumango ni Ramil Madriaga iti House Committee on Justice.
Dayta ti kinuna ni Rep. Joel Chua iti rason a kaadwan kadagiti napapateg a saritaan ket nadakamat nan iti damo paylaeng a panagtestigo.
Inadal dagiti mamanday-linteg ti supplemental affidavit ni Madriaga, pakairamanan dagiti dokumento ken larawan, ken inbilang dan nga umdas ti panagdengngeg tapno ilawlawag dagiti linaon daitoy.
Segun pay kenni Chua, adda ti limitasyon dagiti damag agsipud ta adda dagiti isyu a rumbeng ket iti mismo nga impeachment trial idiay Senado a madakamat. Sumagmamano a “probing questions” met ti kadkadlaw nga impasardeng ni Rep. Gerville Luistro kabayatan ti panagdengngeg.
Agtultuloy a malawlawagan ni Madriaga dagiti alegasyon na kontra kenni VP Sara Duterte mainaig paylaeng iti saan nga umiso a pannakausar ti confidential funds.
