BR LA UNION – Awan ti kinapudno ti damag nga adda mapasamak a pannakataktak ti suweldo ken retirement benefits dagiti empleado ti gobierno kasta met dagiti mangisursuro ken uniformed personnel.
Segun kenni Palace Press Officer Undersecretary Claire Castro, saan a naikissay wenno nakanselar ti P24 billion pesos fund no di ket naiyakar laeng iti ahensiya tapno direktan a maiwaras kadagiti empleado.
Impaganetget ni Castro a sibubukel ti suweldo ken tuloy ti salary increase kadagiti ahensiya.
Inlawlawag ni Castro nga awan ti delay wenno pannakataktak, awan ti maikissay ken awan ti mapukaw.
No adda pannaka-delay ti suweldo, kinuna ni Castro a dagiti maapektaran iti daytoy ket dagiti baro nga empleado.
Panawagan ti Malacañang saan nga agpa-allilaw ken isaknap ti kinapudno.
