BR LA UNION – Rimwar iti resulta ti Labor Force Survey ti Philippine Statistics Authority (PSA) idi Enero 2025 a dagiti managers ti addaan kangatuan nga inaldaw a suweldo ditoy Pilipinas.
Iti press conference idi kalman, Huwebes, Marso 6, impadamag ni PSA Deputy National Statistician Sectoral Statistics office ASec. Divina Gracia Del Prado a kadagiti 5 major jobs ditoy pagilian, dagiti Managers ti umaw-awat ti kangatuan nga average daily wage idi Enero nga aganay P1,300, nupay bimmaba daytoy manipud iti P1,356 idi Enero 2024.
Sumuruno dagiti trabaho iti Armed Forces, nga agsuwel-suweldo ti P1,174 kada aldaw. Ngimmato daytoy manipud iti P1,095 kada aldaw idi Enero 2024.
Kabilang iti Armed forces occupations iti amin a posisyon nga iggem dagiti miyembro ti armed forces malaksid iti civil defense kas ti police ken customs inspectors.
Maikatlo dagiti professionals nga agsuweldo-suweldo ti P1,173 kada aldaw manipud iti P1,113 idi Enero 2024. Sakop daytoy dagiti adda iti fields of sciences, social science, legal ken social services, art ken dadduma pay.
Maikapat dagiti technicians ken associate professionals nga agsuwel-suweldo ti P855 kada aldaw, ngimmato daytoy manipud iti P786 idi Enero 2024.
Maika-lima iti clerical support, nga umaw-awat ti inaldaw a suweldo a P739, ngimmato daytoy manipud iti P708 kada aldaw idi Enero napalabas a tawen.
Kabayatanna, dagiti 5 a trabaho nga addaan ti kababaan a daily wage ket dagiti elementary occupations (P416), skilled agricultural, forestry ken fishery workers (P418), service and sales workers (P531), plant and machine operators ken assemblers (P572), craft ken dadduma pay a trade workers (P573).
PLAY VIDEO – ASEC. DEL PRADO
NATIONAL______DEPED VOUCHER PROGRAM
headline: DepEd, inikkat na iti 55 nga eskwelaan iti SHS voucher program gaputi isyu seknan iti maipagarop a ‘ghost students’
Inikkat ti Department of Education (DepEd) iti aganay 55 nga eskwelaan manipud iti Senior Hugh School (SHS) voucher program gaputi isyu seknan iti maipagarop a ghost students wenno nonexistent student.
Daytoy iti imbutaktak ni DepEd project manager III Tara Rama idi salodsoden ni Kabataan Party-list Rep. Raoul Manuel seknan iti eksakto a bilang dagiti maipagarop a ghost student, kabayatan ti panagdengngeg ti House Committee on Basic education and Culture idi kalman, Huwebes, Marso 6.
Segun kenni Rama, aganay 22 nga eskwelaan iti na-terminate iti nasao a programa idi school year (SY) 2021-2022, 32 met idi SY 2022-2023 bayat a maysa ti na-terminate iti SY 2023-2024.
Adda pay 12 nga eskwelaan iti under investigation.
Sinalodsod pay ti mammanday linteg nu manu a vouchers ti naipaay kadagiti nasao nga eskwelaan, ngem inlawlawag ni Rama a saanen nga inpalospos ti DepEd iti P200 million a balor ti vouchers kalpasan a makita iti discrepancies manipud kadagiti nasao a pagadalan.
Inlawlawag pay ni Rama a san a maaagan a ghost student dagitoy agsipudta mabalin nga umakar dagitoy iti pribado nga eskwelaan iti umuna a bulan ngem agsubli met laeng iti pampubliko a pagadalan, agsipudta naaddaan ti problema, isunga saan a sigurado a ghost student amin dagitoy.
Maipalagip nga immuna a naipatungpal ti nasao a programa idi tawen 2015 iti tarigagay nga aramiden a mas accessible iti SHS education kadagiti nakarupay nga estudyante ken makissayan ti linnet-let iti pampubliko a pagadalan babaen iti panangipaay ti vouchers tapno makapag-enrol iti private institutions.
Nakaawat dagiti grantees ti voucher nga agbalor ti P14,000 agingga P22,500 depende iti lokasyon ti estudyante.
