Rumrumuar iti datos a ti trabaho manipud Armed Forces ti adda kangatuan nga daily wage wenno inaldaw a sweldo na ditoy Pilipinas para iti bulan ti Oktubre ti agdama a tawen.
Daitoy ket maibasar ti baro a resulta ti Labor Force Survey nga inruar ti Philippine Statistics Authority (PSA).
Dagiti trabaho manipud Armed Forces ket addaan ti average daily wage a dumanon ti P1,301, ngimmato daitoy manipud iti P1,173 iti tunggal aldaw idi Oktubre 2023.
Karaman kadagiti trabaho nga agsusuwweldo ti kapada a gatad ket ti amin a miyembro ti Armed Forces malaksid kadagiti civil defense kas iti police ken customs inspectors.
Maikadua iti listaan ket dagiti professionals, partikular dagiti agsusuweldo ti P1,168 iti tunggal aldaw, manipud ti P1,135 per day year-on-year a sahod da.
Karaman kadagitoy dagiti adda iti field of sciences, social sciences, legal and social services, arts, ken dadduma pay.
Maikatlo ti listaan dagiti top paying jobs ket dagiti managers nga agsusuweldo ti agingga P1,109 iti tunggal aldaw, nupay bimmaba daitoy manipud ti P1,254 idi Oktubre 2023.
Maikapat dagiti technicians ken associate professionals a makaaw-awat ti inaldaw a sahod a P826 tatta Oktubre 2024, ngimmato daitoy iti P785 year-on-year wage.
Maikalima dagiti adda iti clerical support a makaaw-awat ti agingga P740 nga inaldaw a suweldo tatta Oktubre 2024 manipud iti P706 idi Oktubre 2023.
Kabayatanna, dinakamat pay ni Undersecretary Mapa dagiti lima a trabaho nga maibilang met nga adda kababaan nga daily wage na ditoy pagilian para ti Oktubre ti agdama a tawen.
Karaman kadagitoy dagiti skilled agricultural forestry and fishery workers, elementary occupations, service and sales workers, craft and related trades workers, plant and machine operators, ken dagiti assemblers.
