Inarestar dagiti kameng ti Rosario Police Station ti maysa a mannalon idi Dominggo nga akusado ti Attempted Murder manipud pay idi tawen 1996.
Naiturong ti akusado iti kustodiya ti pulis kalpasan ti pannakaarestar na idiay Barangay Cadumanian, Rosario, La Union agarop 11:15 ti aldaw idi kalman babaen ti alias warrant of arrest nga impaulog ti Regional Trial Court, Branch 32 ti Agoo, La Union.
Inbinglay ni Police Colonel Heryl Bruno, Director ti La Union Police Provincial Office ti suspek a kas 50-anyos a lalaki manipud Barangay Macabait, Bani, Pangasinan ken nitibo ti Barangay Cadumanian.
Daitoy a wanted individual ket nangpadas a mangpapatay ti maysa nga alias “Akot” babaen ti kutsilyo idi tawen 1996.
Kinuna ni PCOL BRUNO a ti pannakaarestar ket pammaneknek ti commitment ti ahensya ti hustisya ken panangimatmat ti importansya ti panangkamat ti maysa nga indibidwal, uray pay nabayag a panawenen ti baetan manipud idi napasamak ti krimen.
Pinaregta na met ti publiko nga ipadamag dagiti krimen ken dadduma pay nga insidente iti kapulisan babaen ti “Isumbong Mo Kay Daguit” hotline 0968-469-8518 tapno makaresponde a dagos dagiti kameng ti La Union Police.
Kabayatanna, napalubosan metlaeng ti akusado manipud iti kustodiya dagiti pulis kalpasan a nagbayad ti kasapulan nga piyansa ti gatad a P6,100.00
