BR LA UNION – Arestado ti maysa nga street level individual iti insayangkat a drug buy bust operation idiay Barangay San Antonio, Agoo, La Union iti nagtipon a puwersa ti naduma-duma a law enforcement division ken Agoo Police Station nga idaulwan ni PMaj Ricardo Serrano Jr.
Iti suspek ket agtawen ti 55, addaan asawa, mannalon ken residente ti Brgy. Maoasoas Norte, Pugo, La Union,
Nakumpiskar manipud iti ikot ti suspek ti dua a pidaso ti heat sealed transparent sachet a mapapati a naglaun ti shabu.
Karaman a nakumpiskar dagiti non-drug evidence a kas iti: dua a pidaso ti nangisit a motorcycle gloves, maysa a cellular phone, maysa a pidaso ti five hundred peso bill, ken motorsiklo nga agmaris ti black&white.
Naiturong ti suspek idiay La Union Medical Center, Agoo La Union para iti medical examination ken naipaisidong iti drug test, kalpasanna ket naiturong met laeng iti Agoo Police Station para iti naan-anay a disposisyon.
Iti suspek ket sumangsango iti kaso a panaglabsing ti Section 5 and 11, Article II ti RA 9165 wenno Comprehensive Dangerous Drugs Act of 2002.
