LA UNION – Dead-on-the-spot iti maysa a mannalon kalpasan a naaksidente iti man-manehuen na a traysikel iti kawatiwatan ti kalsada idiay Barangay Damortis, Rosario, La Union idi kalman, Hunyo 4.
Nabigbig iti biktima a ni Gerardo Gracia, 50-anyos, residente Barangay Fernando, Santo Tomas, Tomas, La Union.
Maibasar iti pak-pakauna nga imbestigasyon ti Rosario Police Station, iti biktima ket agpa-abagatan a direksiyon idi maipagarop a na-lost control iti man-manehuen ket nabalintuag daytoy.
Gaputi kapigsa ti impact ti aksidente, nagsagaba ti biktima iti nakaru a pannakadun-dunor iti bagi partikular iti ulo na, a puon ti dagus a nakatayan daytoy.
Indeklara ti attending physician a natayen ti biktima idi maisangpet iti nakaiturongan na nga ospital.
