LA UNION – Dead-on-arrival idiay Rosario District Hospital iti maysa a lalaki gaputi sinagrap na a tagbat iti naduma-duma a paset ti bagi na.
Iti biktima ket managan Martin Hubajeb, 25, live-in partner ni Ela Laine Marie, 22-anyos nga anak ti suspek a nabigbig iti nagan nga Eladio Anacta, 44-anyos, agpapada a residente ti Barangay Marcos, Rosario, La Union.
Napasamak ti pammagkong iti pagtaengan ti suspek iti nasao a lugar agarop alas 5:00 ti malem idi Abril 23.
Immuna ti daytoy, napan dimmayo ti inom dagiti agkatugangan idiay Carunoan East, Rosario, La Union ket maipagarop a rimsua ti saan da a panagkinnaawatan.
Nagawid ti biktima a nabartek, simmaruno met iti suspek.
Gaputi nabara nga argumento, tinagbat ti suspek iti biktima ket nagsagrap daytoy iti adu a dunor ti bagi.
Nakaswan ti suspek ken nakabalud ita idiay Rosario Police Station.
