Kaadduan kadagiti 63 nga incoming party-list representative ken 54 party-list groups iti 20th Congress ket saan a mangireprepresentar kadagiti marginalized ken underrepresented.
Segun iti election watchdog Kontra Daya lead convenor Danilo Arao, agparparang iti datos ti Pebrero 2025 a dagiti party-list groups ti 38 incoming party-list representatives wenno pakabuklan a 60.32% ket maibilang kas political dynasties, dadakkle a negosyo, wenno addaan ti koneksyon ti militar ken pulis.
Mainayon iti dayta, 54 a party-list group ket inlasin ti Commission on Elections (Comelec) a nangabak iti party-list race, 32 kadakuada ti binabalaw ti Kontra Daya gapo iti saan da a panangibagi kadagiti marginalized at underrepresented.
Impunto ti lead convenor iti public pressure ti 20th Congress tapno itandudo ti pannakaipasa ti anti-dynasty law ken ti panangamyendar ti party-list law tapno ibagi da a talaga dagiti marigrigat.
Nasken nga italnan dagiti babaknang ken nabileg a pamilya ti manggundway iti nakapsot a party-list system ti Pilipinas.
Kabayatanna, inlawlawag met ni Comelec Chairman George Erwin Garcia a maibasar ti sentensya ti Korte Suprema iti ‘Atong Paglaum vs Comelec,’ makuna nga iti representative ti party-list ket mabalin a saan a mangibagi kadagiti marginalized sector agsipud ta umdasen iti adbokasiya da.
Innayon na met a kasapulan a talagan iti overhaul wenno revision iti party-list law.
