BR LA UNION – KIniddaw ni President Ferdinand Marcos Jr kadagiti mammanday linteg nga ipaayan prayoridad ti panangipasa ti linteg a mangikkat ti travel tax ken panangipawil iti political dynasty ditoy pagilian.
Segun kenni Communications Undersecretary Claire Castro a dua laeng daytoy kadagiti 21 priority bills a tarigagay a maipasa dagiti mammanday linteg sakbay nga ag-adjourn ti Kongreso inton bulan ti Hunyo.
Inaramid ti Presidente ti pammilin iti 3rd Legislative Executive Development Advisory Council (LEDAC) meeting idiay Malacañang.
Iti agdama, maibasar iti Tourism Infrastructure and Enterprise Zone Authority (TIEZA), agbay-bayad dagiti pasahero ti first class seat ti P2,700 para iti travel tax bayat a P1,620 iti economy class a pasahero.
