Naarestar ti maysa a lalaki idiay Barangay Central East, Bauang, La Union idi kalman, Agusto 1, alas 6:00 ti rabii gaputi panaglako ti iligal a droga babaen ti naisayangkat a buy-bust operation.
Nabigbig ti naarestar a ni Ryan G. Abuan, 31-anyos, awanan asawa, self-employed ken residente ti nasao a lugar.
Nakumpiskar kenkuana iti maysa a heat sealed transparent plastic sachet a naglaun ti maatap a shabu, maysa a P500 bill, dua a P1000 bill a nagserbi a buy-bust money, maysa a transparent plastic sachet ti maipagarop a marijuana leaves, dua a piraso ti transparent plastic sachet a mapapati nga addaan ti residue ti maatap a shabu, dua a piraso ti na-rolyo nga aluminum foil, maysa a unit ti Iphone 7 cellphone ken maysa a unit ti motorsiklo.
Iti suspek ket adda itan ti kustodiya ti Bauang Municipal Police Station para iti umno a disposisyon daytoy.
Ni Abuan ket sumangsango iti kaso a panaglabsing ti RA 9165 wenno Comprehensive Dangerous Drus Act of 2002.
