Natulungan ti Department of Labor and Employment Regional office 1 iti maysa a menor de edad manipud Barangay Ilocanos, Sudipen, La Union.
Iti nasao a menor de edad ket managan ti “Vano”, isuna ket napilitan nga mangged ket kadwa ti ama na iti kataltalunan kas ti agmula ti pagay,iti nasao a Barangay.
Nu man pay saan isuna nga pinilit dagiti nagannak na a mangged, nagdisnudo daytoy nga agsapol gaputa tarigagay na a tulungan ti nagannak na.
Ngem babaen ti child labor prevention and elimination program ti Department of Labor and Employment ,nalawlawagan ti pamilya ti menor de edad maipapan dagiti posible a peggad ti child labor.
Tinurong ti kameng ti Department of Labor and Employment Regional Office 1 ti lugar ti menor de edad, tapnu mangisaysayangkat ti profiling.
Gaputi tulong iti Department of Labor and Employment Regional office 1 ken Local Government of Sudipen regular ti panangmonitor da iti ubing ken pamilya daytoy, naipaayan da ti livelihood assistance babaen DOLE Integrated livelihood program.
Dagiti pamilya daytoy ket naipaayan ti sari-sari store project ti ahensya nga aggatad ti P30,000, ditoy nga naaddaan ti nasaysayaat a kita ti pamilya ti ubing ken saan metten a masapol nga mangged ti anak da.
Idi laeng Hulyo 13, nagturpos ti Senior Highschool ti ubing iti strand a Technical Vocational Livelyhood track, manipud ti pagadalan ti Sudipen Vocational High School.
Nabigbig pay daytoy a kas athletes of the year, gapo ta isuna ti nangibagi ti pagadalan da ti naangay a paay-ayam ti napasamak a kompetisyon ti Probinsiya.
Agsagsagana met isuna itan a mangala ti kurso a BS Criminology.
